আজি ওৰে নিশা আৰু কাইলৈ সৰুসজাইত ৰখা হ’ব জুবিনৰ নশ্বৰ দেহ। তাতেই জুবিনক সকলোৱে জনাব পাৰিব শেষ শ্ৰদ্ধা। সামাজিক মাধ্যমযোগে এই ঘোষণা কৰে মুখ্যমন্ত্ৰীয়ে।এই সন্দৰ্ভত মুখ্যমন্ত্ৰী হিমন্ত বিশ্ব শৰ্মাই সামাজিক মাধ্যমত লিখে যে- “বহু লোকে আমাৰ মৰমৰ জুবিনক শেষবাৰৰ বাবে চাবলৈ ইচ্ছা কৰি আছে। আমি এই আবেগবোৰ বুজি পাওঁ। সেয়ে আজি ওৰে নিশা অৰ্জুন ভোগেশ্বৰ বৰুৱা ষ্টেডিয়াম (সৰুসজাই) খোলা থাকিব যাতে জুবিনক সকলোৱে শ্ৰদ্ধাঞ্জলি জ্ঞাপন কৰিব পাৰে। কাইলৈও জুবিনৰ পাৰ্থিৱ শৰীৰ সৰুসজাইত ৰখা হ’ব”।